ساندوتشات الشاورما

خبز لبناني خفيف اوممكن خبز التورتيلا وفيه طريقه للتورتيلا بحسابي رااائعه جربوها تنفع مع الشاورما تلاقوها بالصفحات الي تحت.
اربع صدور دجاج متوسطه مقطعه شرايح خفيفه مائله _ ربع قالب زبده صغير _ ملعقتين زبادي _ ملعقه طعام ممسوحه زنجبيل مفروم _ خمس فصوص ثوم _ ملعقه صغيره ملح _ ملعقه صغيره فلفل اسود _ ربع ملعقه صغيره قرفه مطحونه _ ملعقتين طعام خل ابيض.
لدهن الساندوتشات :
ثلاث ملاعق زبادي ( روب ) _ ملعقة طعام مليانه مايونيز _ ملعقة طعام خل ابيض _ نص ملعقه صغيره ملح. تخلط مع بعض

لتزيين الساندوتشات :
بطاطس جاهزه مقليه _ خس مقطع قطع طوليه رفيعه _ طماطم مقطعه قطع طوليه بدون بذور _ مخلل خيار مقطع بالطول حسب الرغبه.
الطريقه
سخني الزبده في مقلاه عميقه وضيفي الدجاج وقلبي لدقيقتين وضيفي الزبادي والبهارات والزنجبيل والملح والخل وقلبي وخفضي النار وقبل ماتنشف ماءها بشوي ضيفي الثوم وقوي النار وقلبي لماتبدا قطع الدجاج في التحمير وطفي عليها النار لاتخليها تتحمر كثير عشان ماتنشف.
ادهني الخبز بخليط الزبادي والمايونيز ورشي خس بشكل طولي والدجاج والطماطم والبطاطس وقليل من المخلل بنفس الطريقه ولفيه في ورق الساندوتشات واقطعيه من النص ويقدم مع السلطه والعصير وبالعافيه