- 156
- 0
- الأربعاء, 22 نوفمبر, 2017 - 12 , مساءً
- التقييم:
الطريقة و المقادير
مندي روبيان
الطريقة:
نقلي بصل شرائح في زيت وزبدة لحد ما يذبل ثم نضيف الثوم المفروم ونقلب ثم البهارات الصحيحه( هيل، قرفة، فلفل أسود، مسمار، واهم شي كمون حب) ونقلبهم لحد ما تطلع ريحتهم بعدين نضيف الجزر المبشور والفلفل الاخضر المقطع مكعبات وحبه فلفل اخضر مقطع للي يحب الحار ونقلبهم مع بعض لحد ما يذبل الجزر ثم نضيف الروبيان مع ٤ مكعبات ماجي وملعقه طعام كمون ونقلبهم على نار وسط لحد ما ينشف شوي من الماي مو تنشيف كامل بعدين نسكر عليه
بالنسبه للارز (استخدمت ارز بخاري ماركة كرامي ) نغسله وننقعه بالماي بعدين نصفيه ونحطه في قالب تيفال ثم نضيف له حمسه الروبيان ونصب عليهم الماي ارتفاع مقدار ٢ سم ونضيف القليل من شرائح الطماطم وحبات فلفل اخضر صحيح ونقلبهم بعد ونحط رشه خفيفه ملح ونغطيه بطبقتين من الالمنيوم ويدخل الفرن مده ساعة تقريباً وقبل ما نسكر على النار افتح الالمنيوم وارش الارز بمنقوع الماي ورد والزعفران وشوي من صبغة الزعفران
ثم يقدم وبالهناء والعافية
