#حشوة البطاطس مع الجبن
نذبل بصل مفروم في قليل من الزيت ثم يضاف الفلفل البارد والحار المفرومين ويقلب ثم نضيف البطاطس المسلوقه والمهروسه والخضار المجمدة المشكله نكون سالقينها قبل ونقلب جيداً ثم نضيف رشه ملح وبهار الكاري وفلفل احمر بودر ونطفي النار ثم نضيف جبن مبشور والبقدونس المفروم او ممكن كزبره مفرومة

#حشوة الربيع
كميه متساويه من جبن الصقر والموزريلا
فلفل بارد ملون مفروم
ذرة
زيتون اسود واخضر
نخلطهم مع بعض
ونضيف لهم رشه اورغانو وفلفل اسود

#حشوة البيترا
جبن الصقر المبشور وجبن موزريلا
زيتون اسود واخضر
ذرة
فلفل اخضر بارد مفروم
ممكن مشروم
نخلطهم مع بعض ونضيف لهم صلصه البيتزا استخدمت الحاره ورشه من الاورغانو
#حشوة الدجاج بالجبن
دجاجه مسلوقه مع البهارات الصحيحة والناعمة والملح ثم نفتتها صغير
بقدونس مفروم
جزر مبشور
نعناع مجفف
جبن الصقر مبشور
نخلطهم جميع مع بعض ونضيف لهم القليل من ماء سلق الدجاج

#حشوة الجاينيز
نقلى بصل ابيض مقطع شرائح رفيعه في زيت السمسم ضروري تستخدمون هالزيت مو العادي لحد ما يذبل ويصير لونه اصفر فاتح بعدين اضيف الثوم المفروم واقلب ثم الخضار المقطعه شرائح حطيت الجزر والفلفل الملون جميع ألوانه وملفوف ابيض ممكن بنفسجي وذرة ونتركهم على النار مع التقليب بين الحين والآخر لحد ما تذبل الخضار شوي ثم اضيف صلصة الماجي ومكعب ماجي وملعقه شاي سكر بني ورشه فلفل احمر بودر حار وارفع النار شوي حتى تتشبع الخضار من الصوص واسكر عليه