- 32
- 0
- السبت, 25 نوفمبر, 2017 - 9 , مساءً
- التقييم:
الطريقة و المقادير
دجاج على الطريقة الصينية
الطريقة:
نقطع صدور دجاج لشرائح طويلة ورفيعه وتتبل بالفلفل الاسود والبابريكا وقليل من صلصة الصويا ونضيف لها بيضة وملعقتين طحين ونقلب جيداً وتترك تخمر قليلاً
في قدر اقلي الدجاج في قليل من الزيت لحد ما ينضج ثم اشيله واتركه على جنب
في نفس القدر اضيف شوي زيت واقلي فيه شرائح البصل الابيض لحد ما تذبل شوي بعدين الثوم والزنجبيل المفرومين ونقلب لحد ما تطلع ريحتهم ثم الخضار المرغوبة المقطع شرائح اضفت الفلفل الملون والجزر وممكن ذره وكرفس اي خضار تحبونها ونظل نقلب لحد ما تذبل الخضار شوي مهم الخضار تكون مقرمشة قليلاً في هذي الوصفة ثم نضيف الدجاج ونرش فلفل اسود وصلصة صويا وحبات من الفلفل الاحمر ونقلبهم مع بعض
في بادية نحط كوب ونص ماي مع عصير نص ليمونه وملعقة عسل ومكعب ماجي (اني استخدم البودر اللي تبيعه الاسر المنتجه ) وملعقة صلصة طماطم وملعقتين طعام طحين تخلط جيداً ثم تضاف الى الدجاج والخضار وتقلب وممكن في هذي الخطوه يكون الخليط ثقيل فانضيف كميه اضافية من الماء يترك الخليط على النار يتسبك قليلاً ثم يقدم مع الخبز وصحتين
