مندي الدجاج الكلحاوي
.
امس غدانا كان مندي بسيط بدون تعب ولا تكلف .. سويته وجهزته قبل بيوم وحطيته بالفرن ثاني يوم
.
🔹️اول شي الرز نغسله عدة مرات بدون نقع .. بعدين بالجدر حمست بصلة ناعمه عالنار بشوي زيت او سمن وقلبت معاها الرز لمن تغلف بالزيت .. طفيت النار ونخليه على جنب
.
🔹️الدجاج نظفته وغسلته وحطيت له التتبيلة التالية:
ثوم وملح وفلفل وكركم وفلفل اسود وزعفران وزيت زيتون او سمن ينفع .. وخل ابيض واحمر حطيت شوي من كل منهم .. غطيته بالثلاجه لثاني يوم
.
🔹️بيوم الطبخ طلعت الدجاج ومسحته بالكامل بالتالي:
ملعقه معجون وبهارات مندي جاهزة ورشة زيت
.
🔹️بعدين جبت الجدر اللي فيه الرز وحطيت على الرز بهارات صحيحه:
حبة لومي .. اصبع دارسين شوي كزبرة وفلفل اسود وورق غار
.
🔹️غمرت الرز بالماء يادوبك سانتي فوق الرز ولاتنسون تحطون ملح للرز .. انا عادة لكل كوب رز احط ملعقه صغيرة ملح
.
🔹️حطيت الشبك عالجدر وفرشت عالشبك شرايح طماطم وفلفل حلو وبصلة وفوقهم حطيت الدجاج وغطيتهم كلهم بالقصدير .. بالكااامل
.
🔹️دخلت الجدر فرن محني مسبقا عالاااخر ٢٥٠ درجة وخليته ساعتين
.
🔹️طلعت الجدر وفتحت القصدير .. نزلت الدجاج على وجه الرز .. حطيت فحمه مجمرة .. نقطتين زيت عليها علشان تبخر وسكرت الجدر ينكتم
.
🔹️صبيته بالصينية .. وبالعافية 😊👌🏻