بسبوسة بالنسكافه

حبيت حبيت حبيت .. الطعم كان متناسق بشكل غريب 😍 الصراحه ماصورتها فيديو لانها كانت مجرد تجربة للمقادير .. بس النتيجه مبهرة وماحبيت اطوفها عليكم 🌹😘
.
◾المقادير:
.
🔸️٢ بيض 🔸️نص كوب سكر 🔸️نص كوب زيت 🔸️ملعقة فانيلا 🔸️ملعقة بيكنج باودر كبيره 🔸️ملعقة كربونات صغيره 🔸️نص كوب طحين ابيض
🔸️نص كوب سميد خشن 🔸️نص كوب سميد ناعم 🔸️كوب جوز هند
🔸️كيس قهوة سريعة التحضير اي نوع ٣×١
.
#حلويات_كلحه #بسبوسة_كلحه
.
◾الطريقه:
.
🔹️الله يسلمكم مافي طريقة غير انكم تحطون كل المواد الجافه وتخلطونهم بالملعقه جق جق جق
.
🔹️نضيف الزيت والبيض وبالملعقه نخلط جق جق جق .. وممكن ترى نخلط بالمكينه الكهربائبة بس نركب مضرب التقليب ونخلط ترررررررر
.
🔹️نصب الخليط بصينية مدهونه شوية هردة (طحينية) ونقطعها بسكينة مبلوله ماي شوي .. بأي شكل تحبونه (معينات مربعات مدور) ان شالله متوازي اضلاع عادي 😁
.
🔹️وندخلها الفرن المحمي مسبقا .. من تحت فقط على حرارة ١٨٠
.
🔹️لمدة تقريبا نص ساعه او حسب فرنكم .. وممكن نشعل فوق ونحمرها اخر خمس دقايق
.
🔹️نطلعها ومباشرة نسقيها شيرة باردة .. تكون خفيفة شوي بس مو مااااي .. ننتظر لمن تبرد عالاااخر بعدين تقطع وبالعافية 😊👌🏻