مسخن فلسطيني 😍
من أطيب الاكلات الفلسطينية
بالاصل بينعمل بخبز طابون لكن ممكن تستبدليه بالخبز الي بينعمل ع الصاج وبيكون سميك شوي في ناس بيسموه فراشيح وناس بيسموه خبز تركي المهم اي نوع خبز يتحمل ينحط عليه زيت وما يخبص معك …
الطريقة
بتسلقي الدجاج
بتفرمي كميه كبيرة من البصل ع الناعم بطنجرة وبتحطي عليه كمية منيحة من زيت الزيتون وبتقلبيه لحتى تستوي وبضيفي ملح وفلفل اسود وشوية صغيرة من البهار المشكل والهيل وطبعا لازم تحطي كميه كبيرة من السماق (انتبهي في انواع سماق بالسوق بتكون مصبوغة الاصلي بيكون طعمو حادق )
لما يستوي الدجاج بتحطيه بصينية .. بتاخدي شوي من زيت الزيتون والبصل وبتعصري عليهم ليمون وحطي سماق وادهني الدجاج ع الجهتين وحمريه بالفرن
بتاخدي خبز الطابون بتفرديه بصينية وبتشربيه بشوية مرقة دجاج بس لو استخدمتي خبز تركي لا تشربيه لانو مو سميك كتير .. وحطي خليط البصل والزيت وحمري الخبز شوية بالفرن لحتى اطرافو تاخد لون دهبي وبعدين رشي صنوبر او فستق وحطي الجاج .. بنصحكم تجربوه بالطابون لانو غير شكل .. وهلأ ما حد يحكيلي رولات مسخن حلاوة المسخن انو نقسم ونغوص بالبصل والزيت😜