الكيكة العادية او كيكة الشاي 😍❤
المقادير :
3 بيض (الناس اللي ما عندها مشكلة مع البيض بتقدر تحط 6 بيضات بالكيكة العادية يعني كل كاسة طحين بتحتاج بيضتين بيطلع معك طعمها طيب كتير )
1كوب وثلاث ارباع كوب سكر
كوب زيت
كوب لبن زبادي او كوب حليب ولو حابين نضيف نكهة برتقال او ليمون نضع نص الكوب لبن ونصفها عصير
3 كوب طحين (نأخذ 2م.ك من مقدار الطحين ونستبدلها ب2م.ك مليانة من النشا )
فانيلا
3 باكو بيكنج باودر ما يعادل 3 م.ك ممسوحة (ممكن البعض يحسه كتير لكن بشكل عام في الكيك العادي كل كوب طحين يضاف له من نصف باكو لباكو وانا بنصح اللي عندهم الافران القديمة او العادية يستخدمو المعيار المذكور رح بتطلع الكيكة ارتفاعها رائع 👍)
برش ليمون او برتقال
2م.ك خل ابيض
ممكن اضافة م.ص كربونة بتعطي لون حلو ع أصفر للكيك خاصة لو كانت بالبرتقال وبتخليها تنفش اكثر
الطريقة :
نخفق البيض مع رشة ملح والبرش والفانيلا لحتى يضاعف حجمه (الخفق ممكن يكون ع ابدك او بالخلاط او المضرب الكهربائي بس طبعا كل ما انخفق البيض بتكون الكيكة اطرى وكمان لونها بيكون ع ابيض لانو الببض كل ما انخفق بيفتح لونو ).. بضيف السكر وبخفق بعدين الزيت .. اخر شي اللبن او الحليب (الترتيب مهم) وطبعا بضيف الطحين مع البيكنج باودر بعد ما انخله بالتدريج
بحطها بقالب مدهون وبخبزها بفرن محمى مسبقا على نار 180 بتحتاج من نص ساعة ل 45 دقيقة