المنسف يليق بك 😍

شو كان غداكم اليوم ؟
الطريقة للناس اللي طلبوها 😍 مع ملاحظة انو المنسف الو اكثر من طريقة بس بشكل عام الطعم واحد
بنحتاج قرص جميد(الكمية تكفي ل5 او 7 اشخاص) بنقطعه بالسكين وبننقعه بمي لحتى يسير طري المدة بتختلف حسب نوع الجميد بعد ما يسير طري بايدينا بنشيلو من المي وبنحطو بالخلاط وبنحط فوقه مي جديدة وبنطحنه ليسير سائل وممكن تختصرو هالعملية و تستخدمو الجميد السائل .. ممكن نستخدم اللحمة او الدجاج.. بنسلق اللحمة وبس تستوي بنحط الجميد عليها ازا حسيتو اللحمة استوت ورح تتفتت لو خليناها تستوي مع الجميد بنشيلها من الطنجرة قبل ما نحط الجميد (لو استخدمتو الدجاج بعد ما نسلقه بنشيلو من المرقه وبنحمره لوحده بالفرن ) بنضيف علبة لبن زبادي مشان يكسر حموضة الجميد وم.ك نشا (وممكن تستغنو عن اللبن والنشا حسب ما تحبو وحسب طعم الجميد المستخدم )وبنضل نحرك لحتى يغلي بس يغلي بنوقف التحريك وبنتركه يتسبك شوي لو حسيتو محتاج بضيفو ملح … بالنسبة للرز اي نوع رز بتحبوه وبتعملوه عادي متل الرز بس بتضيفو معه مكعب ماجي وكم ورقة غار وكم حبة هيل وكبش قرنفل وشوية عصفر .. للتقديم بنحتاج خبز صاج او شراك بنفرد وحدة بالصينية ونص وحدة بنقطعها فوقها وبنشربها بشوية من الجميد وبنحط الرز واللحم وبنزينها بالبقدونس والمكسرات وصحتين وهنا ❤