- 46
- 0
- الأحد, 28 يناير, 2018 - 8 , مساءً
- التقييم:
الطريقة و المقادير
اووزي *~*
.
المقادير :
.
٦ اكواب عيش
نص كيلو لحم صافي
ربع كيلو لحم مفروم
حبتين بصل
كوب خضار مشكلة “بزاليا&جزر”
٨ حبات جلاش
.
بهارات عدلة “هيل ، مسمار، فلفل اسود حب ، نجمة الينسون ، دارسين ”
ملعقة صغيرة كركم ، هيل مطحون ، دارسين
ملعقة كبيرة ملح
ملعقة كبيرة سمنة
مكسرات ” مو ضروري ” كازو + صنوبر
.
الطريقة :
.
بجدر فيه ماي مغلي نحط البهارات العدلة و اللحم و نخليه على ما يستوي ” ٥٠ دقيقة ”
بجدر ثاني فيه شوية زيت نضيف اللحم المفروم و نخليه لما ينشف ونضيف عليه البصل و البهارات البودرة و نحركة عدل و نضيف فوقه اللحم الصافي بعد ما يستوى و نضيف الخضار المشكله و نحركة عدل
نصفي ماي اللحم من البهارات العدلة و نرد نضيف اللحم مع اللحم المفروم فيه و نضيف فوقه العيش و ملعقة ملح ” ارتفاع الماي بالنسبة للعيش يكون ١ سم”
نغطي الجدر و نخليه يطبخ ١٥ دقيقة على نار عالية بعدها ١٠ دقايق على نار هادية نحط العيش و اللحم داخل ورق الجلاش ونلفه عدل و نسكرها بشوية طحين و ماي عشان يمسك عدل نرش عليها شوية زبدة و ندخلها الفرن من فوق و تحت لما تتحمر
.
و عليكم بالعافية
