هذي اسهل طريقة عيش و لحم ممكن تسوونها
و جداً لذيذة على ضمانتي
تفيد اكثر شي المغتربين لان مو كل المقادير متوفره عندهم
.
المقادير :
.
ملعقة وسط كركم
حبتين بصل حجم وسط
ملعقتين و نص ملح
بهارات عدلة
. ” دارسين ، فلفل اسود ، مسمار ، ورق غار ، هيل ”
.
ملعقة وسط هيل مطحون
ملعقة وسط دارسين مطحون
.
فنجان منقوع الزعفران ” ماي ورد و زعفران ”
العيش “الرز” حسب الرغبه
.
الطريقة :
.
بجدر كبير نحط فيه ماي و نخليه لما يغلي
نقطع البصل و نضيفه و نضيف معاه الكركم و نضيف اللحم
و نخليه يطبخ ٢٠ دقيقة
نكون مجهزيين جدر ثاني فيه ماي مغلي
نشيل اللحم من الجدر و نضيفه بالجدر الثاني و نضيف معاه بهارات عدله و نخليه يطبخ من ساعة و نص لي ساعتين
اخر ١٠ دقايق نضيف الملح على اللحم
بعدها نطلع اللحم و نحط عليه هيل و دارسين مطحونين
و شوية منقوع الزعفران
وندخله الفرن من فوق و تحت على حرارة ١٨٠ لمدة ١٥ دقيقة
.
اما بالنسبه للعيش ننقعه نص ساعه بشوية خل و ملح
بعدها نصفيه و نضيفه على ماي اللحم
” لازم نصفي ماي اللحم من البهارات العدلة اول شي”
و نخليه يطبخ من ١٢ لي ١٥ دقيقة بعدها نصفي منه الماي
.
اما الي يبيه مجبوس يضيف العيش و يصب فوقه الماي و يكون ارتفاع الماي ١ سم عن مستوى العيش و يغطي الجدر .
و عليكم بالعافية