◾المقادير لطبق مدور 9 انش:
.
🔸علبة جبن ماسكاربون حوالي 200 جرام (انصحكم فيه لانه مافيه حموضه ولذيذ واذا ماعندكم استخدمو كيري أو فيلادلفيا)
.
🔸ملعقه كبيرة فانيلا سائلة
🔸كوبين كريمه سائله
🔸كوبين سكر بودرة منخول مسبقا
🔸علبتين جيلي اي نكهة المهم لون احمر
🔸400 مل ماء ساخن (مقسم 200 بكل كوب)
🔸400 مل عصير رمان (مقسم 200 بكل كوب)
🔸كوب حبوب فاكهة الرمان
.
◾الطريقة:
.
🔘(تجهيز الطبقه البيضاء السفلية)🔘
.
🔹اول شي نخفق الكريمه السائلة والفانيلا والسكر جيدا لغاية ما تتكاثف .. بعدين نضيف لها الجبنه الكريمية (بس قبلها اخلطوا بالشوكه الجبنه الكريمية)
.
🔹الان ناخذ نص الخليط الابيض ونحطه بقاع طبق التقديم ونساوي السطح وندخله الثلاجه حوالي نص ساعه (على مانجهز الباقي) .. احتفظوا بالنص الثاني
.
🔘(تجهيز الطبقه الوردية الوسطانية)🔘
.
🔹الان نجهز الجيلو باول علبة .. نضيف لبودرة الجيلو 200 مل ماء ساااخن ونحرك لغاية ما تذوب وبعدها نضيف لها 200 مل عصير رمان ونحرك (نخليه بالثلاجه ربع ساعه بس)
.
🔹الحين نطلعه من الثلاجه و نضيفه لنص الخليط الابيض مع حوالي نص كوب حبوب الرمان ونخلطهم جيدا
.
🔹بصير لونها وردي .. ونضيفها بطبق التقديم فوق الطبقه البيضا ونرجعه الثلاجه لمدة ساعه
.
🚩 ملحوظة للمساعدة بنجاح هالطبقه بالذات .. قبل لاتضيفونها فوق الطبقه البيضا اضيفوا لها ملعقه كبيرة بودرة جيلي واخلطوها جيدا بعدين صبوها
.
🚩ملحوظة ثانية .. الجيلي خللوه اكثر من ربع ساعه بالثلاجه يعني لغاية ما تحسون بدأ يتكاثف ولعدين اضيفوه للنص الابيض الثاني
.
🔘(تجهيز الطبقه الحمراء العلوية)🔘
.
🔹نجهز الجيلو بثاني علبة .. نفس الشي نضيف لبودرة الجيلو 200 مل ماء ساااخن ونحرك لغاية ما تذوب وبعدها نضيف لها 200 مل عصير رمان ونحرك
.
🔹ننتظر بس تكون باردة ومافيها سخونه ابداا نضيفها بطبق التقديم بهدوء فوق الطبقه الوسطية (الوردية) ونرجعه الثلاجه عالاقل ساعتين
.
🔹نزينه بحبوب الرمان .. وبالعافية