لفائف هشّة .. تملأ تجويفاتها نكهة الخريف (القرفة+السكر البني) على قاعدة مكرملة مليئة بالجوز المقرمش .. وصفة لذيذة تستحق التجربة ..
.

سينامون بالقرفة والكاراميل ..
.
بطريقة عبورة العميرة
1- العجينة :
كوب وربع حليب دافي + ربع كوب زبدة ذايبة + ملعقتين صغيره خميرة فورية + بيضة + ربع كوب سكر + 3 ونص كوب طحين + رشة ملح
+ ظرف دريم ويب ..
نعجن كل المكونات مع بعض لين تصير عندنا عجينه ناعمه وملمومه وندهن الوجه بالزيت ونخليها تتخمر لمدة ساعة ..
2- نصلح صوص الكاراميل :
اصبع زبده 100 جرام + كوب سكر بني
+ نص كوب شيرة البانكيك “الشيره الجاهزه اللي تجي كأنها عسل مو الشفافة” ، أو إذا ماعندكم ينفع عسل خفيف .
نخلطهم بقدر ع النار لين يغلي الخليط ويتجانسون وبعدين نصبه بالصينيه ..
3- نفرد العجينة ونمسحها بزبده ذايبه وبعدين نضيف عليها كوب سكر بني مع ملعقتين كبار قرفه مطحونه ، ونلفهم رول ونقطعهم بشكل متساوي ونصفهم فوق الكاراميل ونغطيهم يتخمرون نص ساعه تقريباً وبعدين ندخلهم الفرن ساخن على درجة 350 بعد 10 دقايق نطلعهم ونصب عليهم كريمة خفق وبعدين نرجعهم مره ثانيه الفرن يكملون استواء ..
وبعدين أول مانطلعم من الفرن نقلب الصينيه ونجملها بالجوز المجروش و عساه بالعافيه على قلوبكم ♥️
..
.