- 58
- 0
- الأربعاء, 21 مارس, 2018 - 8 , مساءً
- التقييم:
الطريقة و المقادير
كيك السويسرول
خمس بيضات / كاستين دقيق / كاس سكر / ملعقه بيكنج بودر / ملعقه فانيلا / ثلاث ارباع الكاس حليب سايل وربعه زيت مع بعض بكاس واحد
نخلط بخلاط الكيك بياض البيض والسكر والفانيلا الى ان ينفش البيض ويتغير لونه للابيض وبعدها نضيف الصفار ،، بعدها نحط البيكنج باودر
والدقيق والحليب والزيت بس على شوي شوي ونوقف الخلط ونخلط باليد حتى تتجانس المكونات مع بعض ..
بصينيه مسطحه نحط قصدير او ورق زبده وحجم الصينيه متوسط نصب الخليط و ندخله الفرن على درجة حراره ١٨٠ من تحت لمدة ٢٠ دقيقه تقريباً ..اذا استوى من الجوانب معناته طلعوها .. بعدها نسوي الكريمه عباره عن ٣ اظرف دريم ويب وبيالة شاي حليب سايل ،، ونخلطهم مع بعض حتى تتكون كريمه متماسكه ،، اذا طلعنا الكيك نخليه يبرد وبعدها ندهنه بالكريمه وممكن نضيف ( مربى،فواكه اي نوع ، جبن تشدر مبشور مع الكريمه ) ونبدا نلف القصدير شوي شوي مع الكيك ،، (عادي اذا تكسر شوي معكم ) بعدها نغلفه بقصدير جديد ونحطه بالثلاجه يتماسك .. اذا طلعناه نقطعه بسكين حاد ( وممكن اضافة نوتيلا ومكسرات وفواكه ) للتزيين ،، وبالعافيه 💕