- 200
- 0
- الثلاثاء, 9 مايو, 2017 - 10 , مساءً
- التقييم:
الطريقة و المقادير
مسخن فلسطيني 😍
من أطيب الاكلات الفلسطينية
بالاصل بينعمل بخبز طابون لكن ممكن تستبدليه بالخبز الي بينعمل ع الصاج وبيكون سميك شوي في ناس بيسموه فراشيح وناس بيسموه خبز تركي المهم اي نوع خبز يتحمل ينحط عليه زيت وما يخبص معك …
الطريقة
بتسلقي الدجاج
بتفرمي كميه كبيرة من البصل ع الناعم بطنجرة وبتحطي عليه كمية منيحة من زيت الزيتون وبتقلبيه لحتى تستوي وبضيفي ملح وفلفل اسود وشوية صغيى من البهار المشكل والهيل وطبعا لازم تحطي كميه كبيرة من السماق (انتبهي في انواع سماق بالسوق بتكون مصبوغة الاصلي بيكون طعمو حادق )
لما يستوي الدجاج بتحطيه بصينية .. بتاخدي شوي من زيت الزيتون والبصل وبتعصري عليهم ليمون وحطي سماق وادهني الجاج ع الجهتين وحمريه بالفرن
بتجيبي خبز الطابون بتفرديه بصينية وبتشربيه بشوية مرقة دجاج بس لو استخدمتي خبز تركي لا تشربيه لانو مو سميك كتير .. وحطي خليط البصل والزيت وحمري الخبز شوية بالفرن لحتى اطرافو تاخد لون دهبي وبعدين ورشي صنوبر او فستق وحطي الجاج .. طبعا في ناس بعملو رولات بس يا عمي المسخن حلاوته نقسم بايدينا ونغوص بالبصل والزيت 😜
