ملاحظة قبل ما نبلش بالمقادير انو عجينة الفطيرة هاي ما بتنفع لاي نوع فواكة لانو في انواع فواكة لو دخلتيها الفرن ما رح ترخي مي متل الاناناس اما الفريز والتوت بيرخي مي كتير وبالتالي بيحتاج عجينة تضل متماسكة مشان لا تخبص معك ..
المقادير للعجين
2 ونص كوب طحين
1م.ص ملح
2م.ك سكر ناعم
1كوب زبدة باردة غير مملحة مقطعة لقطع صغيرة
من ربع لنص كوب ماء مثلج
ا
المقادير للحشوة
5 كوب فريز او توت او بتخلطيهم سوا
2/3 كوب سكر ناعم
1م.ك زبدة باردة غير مملحة مقطعه لقطع
3م.ك نشا
1م.ص برش ليمون
1م.ك عصير ليمون
الطريقة :
في العجانة نضع السكر والطحين والملح ونخفق حتى يدمج ثم نضيف الزبدة ونخلط ثم نضيف ربع كوب الماء بالتدريج حتى تصبح عجينة متماسكة وممكن تحتاجي مي اكتر
ناخد العجينة ونقسمها قسمين ونشكلها ع شكل كورة ونحطهم بوعاء ونغطيهم وندخلهم الثلاجة لمدة ساعة ع الاقل
ناخد كرة ونفردها ع طاولة مرشوشة طحين حسب حجم الصينية (حجم الصينية المناسب 9 انش او 23 سم ) نضعها بالصينية ونشيل الزوائد ونغطيها وندخلها الثلاجة لمدة 15-30 دقيقة
ناخد الكرة الثانية ونفردها على طاولة مرشوشة ونقطعها بقطاعة على شكل قلوب او اي شكل تاني ونضع القطع ع ورق زبدة وندخلهم الثلاجة لمدة 15 -30 دقيقة
خلال هاي المدة بنجهز الحشوة .. في وعاء نخلط السكر والنشا وبرش الليمون ونضيف الفريز والليمون ونخلط … نضع الحشوة بالصينية وندهن السطح تبعها كريمة وحواف القالب ونبلش نحط القطع ع السطح وبالاخر ندهنها كريما ونرش سكر بودرة ندخلها على فرن حامي على 200 درجة لمدة 20 دقيقة بعدين بنوطي النار ع 180 ونتركها لمدة 35 -45 دقيقة ولو حسيتي الاطراف تحمرت قبل الفطيرة غطيها بورق المونيوم .. بس تستوي حطيها على شبك لترتاح لمدة 2 ساعة وقدميها مع كريما او بوظة 😘