كبوس دجاج

دجاجتين كامله اومقطعه انصاف_بصلة كبيره مفرومه_ ثلاثه اعواد قرفه وسط _ خمس حبات هيل _ ورقتين غار _ ثلاث حبات قرنفل _ ملعقة طعام زنجبيل مفروم _ ملعقه صغيره لكل من كمون وفلفل اسود وكزبره ناشفه _ قرنين فلفل حار _ ثلاث ملاعق صغيره ملح اوحسب الرغبه _ثلاث فصوص ثوم مفرومه _ ملعقة طعام ورشستر صوص اوصويا صوص _سته كاسات رز طويل الحبه مغسول ومنقوع لساعه _ ربع حزمة كزبرة نربطها بعود من الكزبرة ونضيفها للرز اثناء الطبخ.
للرز : كاسة شاي ( بياله ) ماء ورد منقوع فيها ملعقه صغيره زعفران ونص ملعقه صغيره كركم
للزينه : بصلتين كبيره مفرومه _ كاس ونص نخي ( حمص اصفر صغير الحبه ) منقوع في ماء دافي لساعه اويستبدل بالحمص العادي المعلب مغسول ومصفى _ شوي من ماء نقع الزعفران والكركم_ كاس زبيب عنب اوحسب الرغبه _ جزره وسط مبشورة _ملعقه صغيره ليمون اسود مطحون ( يكسر ويخرج منه البذور عشان مايمرر وبعدين يطحن ) _ذرة ملح.
الطريقه
حمري البصله مع القرفه وورق الغار والهيل والقرنفل والفلفل ثم ضيفي الدجاج والبهارات والملح والثوم والورشستر وقلبي وضيفي ماء كافي لاستواء الدجاج وبعد مايستوي انشلي الدجاج واتركيه خمس دقائق يبرد شوي وادهنيه بخلطة الزعفران وحمريه في كاس زيت في مقلاه من الجهتين او ممكن تضعيه بصينية فرن وادهني وجهه بقليل من خلطة الزعفران وبفرن حار لما يتحمر .
صفي المرق جيدا بمصفاه وضيفي الرز للمرق وضيفي فصين ثوم مفرومه معاه وحزمة الكزبرة واتركيه يطبخ على نار قويه لماتطول حباته وقصري عليه النار وخليه على البخار وقبل ما يستوي بخمس دقايق صبي على نص كمية الرز منقوع الزعفران وغطيه وبعد خمس دقايق طفي النار وقلبيه وجهزي خلطة الوجه للرز : حمري البصل مع الحمص ثم ضيفي الزبيب و الجزر وقليل من منقوع الزعفران والحمص وذرة ملح وقلبي واخر شي ضيفي مسحوق اللومي ( الليمون الاسود المطحون ) وقلبي وبالعافيه