وصفة رائعة ومفيدة وغنية بالكالسيوم والبروتين لأنها بتعتمد بشكل اساسي ع البيض والحليب وما فيها اي مواد دهنية ومناسبة جدا للاطفال من سن 6 شهور او للناس اللي ما بتحب الببض والحليب وما رح تحسو بطعم بيض ولا بطعم حليب ولما تجربوها ما رح تستخدمو الكراميل الجاهز نهائيا ..
وطبعا وصفاتها كتير وانا جربت اكتر من وصفة كلهم طعمهم طيب بس هاي الوصفة هي اطيب وحدة من ناحية طعم وقوام

المقادير :
6 بيضات بحرارة الغرفة لمدة نص ساعة
كوب ونص حليب بودرة
كوب ونص ماء
6م.ك سكر
فانيلا
عصير نصف ليمونة او برتقالة
برش ليمونة كاملة او برتقالة
ع الغاز بحط كوب سكر بمقلاية وبكرملو وبس يتكرمل بحطو بالقالب اللي رح استخدمو وبتركو يبرد
بخلطالبيض مع الفانيلا والليمون وبرش الليمون وطبعا بخلطهم بمضرب الشبك مو ع الجهاز وبخفق منيح وبضيف السكر والمي واخر شي الحليب وبخلطهم منيح وبضيفهم ع القالب وبحط القالب بحمام مي والمي لازم تكون سخنة كتير (صينية المونيوم بتحطي فيها مي سخنة وبتحطي القالب جواتها) وبحمي الفرن على 180 وبدخله الفرن لمدة 50 وبفتح عليها بعد نص ساعه مشان لو احتاجت مي ضيفلها وممكن تستخدمي قوالب صغيرة .. بس تطلع من الفرن بتركها تبرد 3 ساعات بعدين اقلبيها وقبل ما تقلبيها دخلي سكينة رفيعه بين الجوانب مشان تتاكدي انو ما في شي ماسك ودخليها التلاجة لتاخد برودة واستمتعي بالطعم 👌