بواسطة @tota1tota12
طريقة اللقيمات واعتذر عن التأخير ☺💜
كأس دقيق
ملعقه صغيره خميره
رشه ملح
ملعقتين كبار نشاء
ملعقه صغيره سكر
نصف كأس لبن دافي
من نص الى ثلاث ارباع كأس ماء دافي على حسب الدقيق
للنكهه /حبه البركه او زعفران او هيل مطحون او صفار زعفران
ممكن استبدال النشاء باالكاسترد
الطريقه نخلط المواد الجافه سواء ثم نعجن بااللبن والماء ونضع آخر شيء حبه البركه
لنجاح اللقيمات لازم يكون قوام العجينه مثل العلكه مو خفيفه ولا ثقيله
تغطى العجينه وتترك تتخمر من نص ساعه لـ ساعه عجينة اللقيمات لاتخمرونها اكثر من ساعه تطلع فيها نكهة الخميره قويه اذاء كان الجو حار
لسهولة تشكيل اللقيمات نضعها في كيس التزين ونفتح فيه فتحه صغيره
نسخن الزيت حراره متوسطه
رآح نحتاج ملعقه المكايل الحجم حسب الرغبه
انا ابيها ميني استخدمه نص ملعقه صغيره
نبل الملعقه باالزيت كل مره حتى تنزل بسرعه وبشكل مرتب
اذاء تحبون اللقيمات مقرمشه على خفيف اقلوها باالشكل المعتاد
اذاء تحبونها مقرمشه بزياده اقلوها لما تتشقر وطلعوها من الزيت
بعد ماتخلصون كل كميه اللقيمات رجعوها للزيت اقلوها ثانيه تأخذ لون خفيف زياده وطلعوها كذاء بتحتفظ بشكلها طول اليوم
اللقيمات ماتغطى ابداً او تغطى بغطاء فيه فتحات تسمح بدخول الهواء لها عشان ماتعجن وتلين
اذاء تحبون اللقيمات شاربه شيره طلعوها من الزيت ع الشيره وقلبوها بعدين شيلوها في طبق التقديم
اذاء ماتحبون شيرتها كثيره اتركوها تبرد وصبوا عليها الشيره
ملاحضه /
في اللقيمات لازم تكون الشيره ثقيله عشان ماتخرب اللقيمات وتعجن
ان شاء الله تكون الطريقه واضحه لكم 💋💋