- 216
- 0
- السبت, 2 يونيو, 2018 - 11 , صباحًا
- التقييم:
الطريقة و المقادير
مضغوط دجاج
دجاجه مقطعه انصاف _ بصله كبيره مفرومه _ خمس فصوص ثوم _ قرنين فلفل حار _ عودين قرفه وسط _ خمس حبات هيل _ ثلاث حبات قرنفل _ ورقتين غار _ حبتين ليمون اسود ناشف _ نص ملعقه صغيره لكل من كمون وفلفل اسود وبابريكا وبصل بودر وكزبره ناشفه وزنجبيل بودر _ ملعقتين صغيره ملح _ حبتين طماطم وسط مقطعه صغير _ ملعقتين طعام صلصة طماطم _ ربع حزمة كزبره مغسوله ومربوطه بعرق من نفس الكزبره _ ثلاث كاسات رز اي نوع مغسول ومنقوع انا استخدمت الرز الامريكي
الطريقه
حمري البصل لما يصير لونه بني فاتح ( ضروري ياخذ اللون البني الفاتح ) وضيفي الفلفل والقرفه وورق الغار والهيل والقرنفل والليمون وضيفي الدجاج والثوم وقلبي وضيفي البهارات وضيفي الطماطم وصلصة الطماطم والملح وقوي النار لماتذبل الطماطم وصبي كمية ماء كافيه لاستواء الدجاج واضغطيه لما يستوي و صفي المرقه بالمصفاه وضيفي الرز عليها والكزبره وتاكدي من ان الماء يغطي الرز مره ونص وقوي النار وخليه يطبخ خمس دقايق وقلبيه بحذر واضغطيه بقدر الضغط اوبقدر عادي لما يستوي وتنزع منه اعواد الكزبره ويقلب القدر ويخرج مابداخله ويقدم وبالعافيه
