- 32
- 17
- الإثنين, 4 يونيو, 2018 - 1 , صباحًا
- التقييم:
الطريقة و المقادير
بواسطة @tota1tota12
رز الشوايه مع الدجاجه المشويه
للدجاجه المشويه /
١/نحتاج ظرف تتبيلة الدجاج من ماجي باالكزبره والثوم ودجاجه مقاس ١٠٠٠جرام
٢/نتبل الدجاجه تحت الجلد ومن فوق زين ونحاول نسوي باالصدر فتحات عشان تدخل التتبيله باالدجاجه
نقفل عليها باالكيس ونضعها في صينيه ونضع في الصينيه من كاس ماء عشان مايطلع ادخنه الفرن وكل مانشفت نزود
بس ضروري تكون الصينيه مو بايركس عشان ماتنكسر نتركها باالفرن من تحت فقط ساعتين باالضبط راح تستوي وتطلع ذايبه
رز الشوايه /
١/نغسل الرز وننقعه بماء حار نص ساعه
٢/نحمر شرائح بصلتين لما تتكرمل ونشيل البصل ونخلطه مع فنجال ماء ونتركه على جنب لون البصل هو اللي بيحدد لون الرز انا ما حمرته مره عشان اللي عندي مايحبون طعم البصل المتحمر مره
٣/في نفس الزيت اللي حمرت فيه البصل اضع البهارات عباره عن نص ملعقه من كل نوع(كمون/كزبره/فلفل اسود/بهارات دجاج/بهارات المشويات/هيل مطحون) مكعب ماجي ثم اضيف الصلصه ملعقتين تقريباً واقلب
٤/اضيف ليمون اسود واخرمه قبل ومعجون البصل واقلب لما يتكشن وتطلع ريحته
٥/اضيف الرز المنقوع واقلبه شوي مع الخلطه ثم اضيف ماء ساخن فوق الرز بشوي
٦/اضيف الملح وقرون فلفل حار وفنجال ورشيستر صوص يعطي طعم لذيذ ولون حلو بما اني ما حمرت البصل للدرجه المطلوبه
٧/اترك الرز على نار عاليه لما يبتدي يتنشف ثم اقصر النار واخليه من ربع ساعه لعشرين دقيقه ع النار يتنشف على راحته وباالعافيه
