- 82
- 0
- الثلاثاء, 5 يونيو, 2018 - 7 , مساءً
- التقييم:
الطريقة و المقادير
mish_kitchen
صينية الرز للهنوف … اتوقع مافي بنت اقلاعيه ما سوتها اددماااااااان ي بنات لذيذه لذاذه ماحصلت 😋😋😋 طفشت اهلي من كثر ما اسويلهم هيا … ابدا ابدا ما مليت منها …. اسويها دايمما وفي احسن الجمعات جد تشرف وتغني عن اطباق كثيرررره انصحكم فيها بقوه الطريقه والمقادير ………………………………………………..صحن صدور دجاج مقطع قطع متوسطه طويله ،. نتبلها في
ثلاث ارباع كاس لبن
عصير ليمونه وحده
فنجان قهوه زيت زيتون
ملعقتين اكل خل ابيض
٥ فصوص ثوم مقطعه شرايح
ملعقه اكل كبيره كركم مليانه
ملعقة شاهي كمون كزبره
شويه ملح فلفل اسود رشة بهارات دجاج وخليها في الثلاجه اقل شي ساعتين
نجهز حبتين بطاطس وسط مربعات واقليها في الزيت
حبه فلفل رومي احمرررر ضروري احمر قطعي مربعات كبيره وخليها ع جنب
كاستين وربع رز ابيض مسلوق نص استواااا
يالله جيبي قدر وحطي فيه. الدجاج بالتتبيله ع نار اقرب للعاليه وقلبي قلبي الين تقرب المويه تنشف حطي البطاطس المقلي والفلفل الرومي الاحمر وطفي النار
جيبي صينيه وادهنيها زبده
حطي خلطة الدجاج كامله
بعدين حطي الرز كله
ساويه بالملعقه
صبي كاسه ونص كريمة خفق عليها
ورصي ثلاث حبات فلفل ع الوجه
وغطيها بالقصدير ساعه الا ربع ع نار متوسطه من تحت وبالعافيه ع قلوبكم ياااارب #وصفات_مشاعل_الزهراني
