طريقة الجريش باالدجاج 🍲
مقاديري لـ من ٤الى ست اشخاص 👌🏻
تقدرون تزيدون وتنقصون حسب افراد العائله 👨‍👩‍👧‍👦
١/كوب ونص جريش اي اف ام القطري افضل شيء
ثلاث ارباع الكوب رز مصري نغسلهم وننقعهم بمويه ساخنه
مده النقع على حسب وقتك مو مشكله لو عندك وقت الافضل تنقعينه بدري تستوي حباته بسرعه كل ما نقعتيه بدري
٢/افرم بصله كبيره واكشنها مع زبده او زيت ورشه ملح لماتذبل
٣/اضيف عليها الجريش المنقوع واضيف ملعقه صغيره ماجي ابيض وملح حسب الرغبه وكمون نص ملعقه صغيره وملعقه ملح الليمون
٤/اضيف ماء ساخن واخليه فوق الجريش بأصبعين ع القدر واتركه على نار عاليه لما يغلي ثم اوطي النار واضيف فلفل علوب ع الوجه واتركه حتى يشرب الماء
٥/اسلق صدر دجاجه مع بهارات صحيحه ثم انتفها واصفي مويتها
٦/اضيف الدجاج المنتف ع الجريش مع مويه الدجاج بعد ماصفيتها
واتركها لما يشربها الجريش
٧/بعد مايكمل الجريش ع النار ساعه ونص اشيل الفلفل و ادق الجريش باالمسواط او المغرفه الكبيره بضهرها انا استخدمه للدق هراسه حديد
٨/راح نكرر دق الجريش كل ربع ساعه ثلاث مرات
٩/آخر شيء بعد مامر ع الجريش ساعتين ع النار تقريباً اضيف له من كأسين الى ثلاث كاسات لبن واقلب واتركه هنا لما تنعم حبات الجريش غالباً الكميه الكبيره تقعد ع النار من ثلاث لـ اربع ساعات
انا كميتي الصغيره اخليها ساعتين فقط تكفي ويستوي بس ادقه زين لما ينعم الجريش وتنهرس حبته زين
الكشنه /
١/بصلتين مفرومه ع النار مع زيت وزبده ورشه ملح لما تذبل
٢/ثم اضيف لها رشه فلفل احمر واسود وليمون اسود مطحون وقرفه وبهار مشكل وملعقتين صلصه واقلب اتركها دقيقتين ع النار
٣/اضيف لها شوي تمر هندي منقوع واقلب ثم اطفي النا
٤/اذاء تحبونه حار ممكن تكشنون معه فلفل حار مفروم
عند التقديم نزين الوجه باالكشنه والزبده وباالعافيه ‎