- 68
- 44
- الخميس, 7 يونيو, 2018 - 2 , مساءً
- التقييم:
الطريقة و المقادير
mish_kitchen:
:: الطريقه ///: ” قوارب الجبنة البيضا ”
قبل لا نبدا بأي شي نحط شوي زيت زيتون + 2 فص ثوم مدقوق ونتركهم على جنب .
نجهز العجينه عباره عن
٣ اكواب دقيق الكويت
٣ ملاعق حليب نيدو
١ ملعقه كبيره سكر
رشة ملح
بيالة شاهي زيت زيتون
١ كوب مويه دافيه مذوبه فيها ملعقه خميره
نعجنها بالعجانه ونخليها تخمر نص ساعه
نجهز الحشوه عباره عن
علبه كبيره جبنة البقرات الثلاث
حبه فلفل رومي احمر مقطعه صغار مره
ملعقه صغيره نعناع مجفف
شويه بقدونس طازج مفروم
نهرسهم كويس بالشوكه وبكذا تكون جاهزه
نفرد العجينه ع سطح نظيف و مرشوش عليه شوي دقيق .. لا تكثرون بعدين ما ترضى تلزق
نقطعها دوائر الحجم اللي تبون .. ونحط تقريبا ملعقة اكل صغيرة في كل قطعة
نسكرهم على شكل قوراب بعدين ندهن جوانبها بالفرشة بزيت الزيتون اللي نقعنا فيه الثوم
انتبهوا بس حطوا زيت لا تاخذون من الثوم
نجيب الصينية وندهنها برضو بزيت الزيتون اللي نقعنا فيه الثوم وندهن الجوانب بعد
ونبدا ناخذ كل حبة ونرش على جوانبها شوي أوريقانو “زعتر بري” شوي لا تكثرون تصير مرّه
نرصها في الصينيه وندخلها الفرن ع درجة حراره ٣٥٠ … الين تتحمر بعدين نشغل الفرن من فوق وبس وبالعااااافيه ع قلوبكم يارب
