- 51
- 53
- الأربعاء, 13 يونيو, 2018 - 11 , مساءً
- التقييم:
الطريقة و المقادير
@tota1tota12
طريقة الرز المشخول باالبطاطس الآن ع السناب اللي حاب يشوفها حياه الله قبل تنحذف😋💕
..
..الرز المشخول مع الدجاج والبطاطس:
المقادير والطريقه : نص دجاجه مع الجلد مغسوله بالخل .. ونتبلها ( ملح / فلفل اسود / بابريكا / وكزبره وبهارات مشكله ) ..
نضيف في القدر او تاوه عميقه ويفضل نوع تيفال .. شوية زيت زيتون او زيت عادي .. ثم نضيف الدجاجه من جهة الجلد ونخليها على نار عاليه لمده دقيقتين لين تتحمر على خفيف .. ثم نقصر النار ع الاخر ونغطيها لمده ٥ دقايق … نقلب الدجاجه للجهه الثانيه .. نبعد الدجاجه على طرف التاوه .. ونضيف مكعبات بطاطس .. ورأس ثوم بالقشر .. وشرايح بصل ونتبلها بملح وفلفل اسود .. ونحركها شوي ونغطيها ونخليها على نار هاديه لين تتحمر البطاطس وتستوي ويستوي معها الدجاج …ونضيف مكعبات فلفل رومي احمر واخضر .. ورشة كزبره خضراء ثم نقلب الدجاج بحيث يكون جلد الدجاج بالاسفل لجهة الجلد .. عشان يتحمر 💕 :
:
في هالاثناء نسلق الرز ثلاث ارباع الاستواء مع بهارات حب وقرون فلفل حار وملح … ونشخله وناخذ مقدار كوب واحد من ماء سلق الارز ونذوب فيه مكعب ماجي ونضيفه فوق الدجاج والبطاطس اللي تحمروا ونضجوا .. نرش الدجاج شويه بهارات مشكله … ونضيف الرز المسلوق والمصفى فوقه .. ونوزع على وجه الرز قطع صغيره من الزبده ورشه خفيفه زيت .. نخليه على نار هاديه لمده ربع ساعه .. ثم نقلبه بصحن التقديم .. وبالعافيه❤
..
..
..ملاحظه : مانحط ولا نقطه مويه على الدجاج .. لاننا نبي الدجاج يستوي ويتحمر مع البطاطس من غير ولا نقطه مويه ..لاتخافون راح يستوي الدجاج والبطاطس بس غطوه وخلوه على نار هاديه اقروأ الوصفه بالتفصيل :
:
..متى نضيف الماء؟؟ نضيف الماء اذا استوى الدجاج والبطاطس وتحمروا وبمقدار كوب واحد من ماء سلق الارز ..
..
..
ماهو الماء المستخدم ؟؟ ماء سلق الارز بمقدار نصف كوب او كوب
