احد اطباقي لليوم بيتزا الدجاج 😋♥️ بيتزا بالدجاج :
العجينه :
علبة زبادي
نص كوب لبن
ملعقه صغيره خميره فوريه
ملعقة صغيره بكنج بودر
ملح
ملعقة سكر
فنجان شاي زيت
٣ اكواب دقيق كويتي
نضع السوائل مع بعض ونحركها كويس بعدين نصب الدقيق ونعجنها لمده خمس دقائق اقل شي افضل شي العجانه ممتازه
بعدين نخليها تخمر من نص ساعه الى ساعه وبالعافيه ❤️ طريقه الحشوه :صدرين دجاج فيليه
بصله وسط مبشوره
حبتين طماط مطحونه
بهارات كمون فلفل اسود ثوم بودره بصل بودره وماجي
شوي سكر عشان يبعد الحموضه
تاخذين صدور دجاج انا اخذت صدرين فقط بدون عظم وقطعتها مربعات وشوحتها ع النار مع شوي زيت واضفت عليها بهارات بيتزا ايطاليه وخليها ع النار لحد م تستوي
بعدين حطيها في صحن وفي نفس الطاوة حطي البصل وخليه لحد م يتغير لونه واضيفي الطماط والبهارات وخليها تتسبك مزبوط بعدين اضيفي عليها الدجاج المستوي وخليها خمس دقايق
نجي للبيتزا نفرد العجينه في صينيه مدهونه بزيت ونخرم العجينه بالشوكه
بعدين نحط جبن سايل ع الوجهه وبعده شوي مايونيز وكاتشب من كل حاجه شوي وامسحي وجهه العجينه
بعدين صبي كشنه الدجاج عليها واضيفي فلفل بارد وزيتون وبصل صغار وبعدين ع الوجهه جبن موزريلا وبالعاافيه