- 36
- 0
- الجمعة, 12 مايو, 2017 - 11 , صباحًا
- التقييم:
الطريقة و المقادير
.
للوصفه احتجت كوب تمر منزوع النوى أو كوب معجون التمر .. خلطته مع كوب حليب وسخنته بالميكروويف علشان يسهل ذوبانه
.
بخلاط الكأس .. حطيت 200 جرام جبن كريمي فيلادلفيا او اي نوع ثاني كيفكم
.
وحطيت خليط التمر والحليب + كيس دريم ويب + م.ص نسكافه + م.ص نسكويك شوكولاته + 3 م.ك قيمر قشطه
.
نشغل الخلاط ترررررر ونخليه على جنب
لتحضير القاعده:
كوبين بسكوت (استخدمت خليط أوريو وبسكوت ماري او بسكوت الشاي)
.
ملاحظه: الاوريو طحنته بالكريمه بدون ازالة مريمة الحشوة
.
المهم خلطت كوبين بسكوت مع اصبع زبدة ذايب ورصيته بالبايركس
.
صبيت عليه خليط التشيز والتمر ودخلته الفرن عشر دقايق فقط (اشعلت من فوق ومن تحت حرارة متوسطه والصينيه بالوسط)
.
طلعتها وبس بردت .. دخلتها الثلاجه ساعتين .. وزينتها حسب الذوق .. وبالعافيه 😊👌
.
ملاحظه: لنتايج افضل يرجى العلم ان الوصفه لاتصلح نسويها بقالب التشيز كيك .. تنفع تاكلونها مباشرة من طبق التقديم
