- 49
- 0
- السبت, 21 يوليو, 2018 - 11 , صباحًا
- التقييم:
الطريقة و المقادير
برياني عجيب ..
.
.
المقادير :
دجاجه الا ربع منزوعة الجلد ومقطعه ٦ اجزاء
تبلتها بـ ( علبة روب – فصين ثوم مبشوره – ملعقه صغيره
كمون – كركم – نص ملعقة صغيره ملح – فلفل اسود – كزبره – بقدونس مجفف – ثوم بودره – بصل بودره – ربع ملعقه صغيره زنجبيل بودره – قرفه – قرنفل بطرف الملعقه اقل من الربع – شووويه للنكهه بقدونس وكزبره وشبت ونعناع مفرومين )
حبة صغيره بصل شرايح
حبة وسط بطاطس مكعبات
نص مكعب ماجي ( مو مكعب كامل )
ربع اصبع زبده
زيت
كاسة رز ابيض مطبوخ نص استواء
الطريقة :
بعد ماتبلت الدجاج غطيتها بنايلون وتركتها تتنقع ساعه وبعدين في تيفال حمرتها بالزبده مع شوية زيت حتى تحمرت من الجهتين
في قدر عالنار شوية زيت مع شرايح البصل حتى تتحمر واضفت عليها مكعبات البطاطس قلبتها حتى بدت تتحمر وصبيت عليها باقي التتبيله حقت الدجاج وكوب الا ربع مويه حاره قلبتها شوي واضفت عليها قطع الدجاج تطبخ شوي تقريبا خمس دقايق وصبيت فوقها الرز وعالوجه شوية لون اصفر وكزبره وغطيت عليه وتركته على نار هاديه حتى اختفى صوت المويه اللي باخر القدر وبسسس بالعافيه 😋
لذيذذذذذذ جدا يمي 👌🏼
