المقادير:

2 كوب دقيق

1/2 ملعقة أكل خميرة

2 ملعقة أكل سكر

2 ملعقة أكل زيت

رشة ملح

كوب لبن *بحرارة المطبخ (وممكن تحتاجون أكثر حسب نوعية الدقيق: بالنسبة لي احتجت كوب وربع لبن)

الطريقة:

نخلط المقادير الجافة مع بعض ثم نضيف عليها اللبن والزيت ونعجنها.

.ممكن تحتاجون ماء أو دقيق زيادة للعجينة بس كل ماكانت العجينة لينة بيكون الخبز هش وخفيف ومايكون ناشف.

اتركوها تتخمر ويتضاعف حجمها ..(احتاجت بحرارة مطبخي 45 دقيقة ).

بعد ماتخمرت نرجع نعجنها عجنة خفيفة باليد..

نفردها على سطح مرشوش بالدقيق بس خلوها عريضة السماكة تقريبا مرتفعة 1سم ونصف.أحسن تكون أرفع يعني ماتكون نحيفة عشان ماينقلب خبز البرجر لخبز مفرود. 🙁

تقطع بالقطاعة أو الكوب ونعجن باقي العجينة ونفردها مره ثانية ونقطعها مثل ماسوينا بالاول.

نرتب الدوائر بصينية الفرن ونغطيها بمنشفة أو بلاستك عشان ترتفع زيادة على مانشغل الفرن ويحتمي للحرارة المطلوبة تقريبا 15 دقيقة.

حرارة الفرن 425فهرنهايت تعادل 220 سيلزيوس تقريبا.

ندهن السطح بصفار بيض مخفف بشوية كريمة أو حليب ونرشها بالسمسم ,,

ماتاخذ وقت بالفرن تقريبا 10 دقايق وتجهز

الحشوة :

الحشوة اللي بالصورة كانت عبارة عن حلقات مرتديلا واستخدمت فيها مرتديلا دجاج بالزيتون من الوطنية اللي تجي اسطوانية صغيرة.

دهنت الخبز بعد ماقطعته من الوسط بمايونيز مخلوط مع خردل ومخلل خيار مبشور ناعم ..

بعدين قطعة خس ثم مرتديلا ثم أخذت شريحة جبن قصيتها على شكل زائد عشان كل مربع صغير يطلع قد الخبزة.