وهذه طريقتي وتقدرون تغيرون وتضيفون اللي تحبون:
١/قطعي لمربعات أي نوع خبز عندك(توست-بريوش-باجيت-صمون،،،،،الخ) وإذا له يومين عندك أو بالفريزر يكون أحسن..بعد ماتقطعينه افرشيه بصينية فرن مدهونه.
٢/ في مقلاة احمسي ثوم مفروم مع زيت واستخدمت (سائل الزبدة من لورباك)
أضيفي للثوم السبانخ المفروم والمشروم المقطع ورشة ملح وفلفل أسود.
قلبيهم دقيقتين على النار يكفيهم..ووزعي خلطة السبانخ فوق الخبز.
٣/في وعاء أضفت كوب حليب +كوب كريمة خفق+٦ بيضات
خلطتهم بالمضرب اليدوي وأضفت لهم تشكيلة أجبان مبشورة (موزاريلا-بارميزان-تشيدر)
غطيت الخبز بهذا الخليط ونتركه ١٠ دقايق لربع ساعة يتشرب خلطة البيض والحليب.
٤/خلال مايتشرب الخلطة نحمي الفرن على حرارة ٣٥٠فهرنهايت تعادل ١٨٠•
✔(يعني نار هادئة)*
رشيت الوجه بأعشاب ايطالية مجففة ودخلتها الفرن..
تحتاج من ٣٠لـ٤٥ دقيقة في الفرن وبالعافية.
.
.
📍ملاحظة:
إذا تحبين الخبز يتشرب الخلطة أكثر ممكن ينقع
الخبز بالثلاجة ليلة أو ساعات
وإذا تحبون الخبزالعكس يعني يكون جاف مايلين أويتشرب كثير كثروا كمية الخبز وكبروا حجم التقطيع ودخلوه الفرن ومايحتاج نقع..
ممكن تصلحون بودنج الخبز بقوالب الكب كيك
أو السوفليه.