رولات الباذنجان المحشيه كفته بالبشاميل
المقادير
شرايح باذنجان مقليه او مشويه
شرايح بطاط مقليه

كفته مقليه
ناخذ شريحه وحده من البديان نصف عليه شريحة بطاط وفوقها قطعة كفته ونلفها رول وانحطها في طبق مدهون بقليل من صلصة البشاميل نكرر العمليه لغاية ما نعبي الطبق كله
انجهز الصلصه الحمرا :

نحمس بصل وفصين ثوم نضيف لهم حبتين طماط كبار مفرومين مع واحد علبة معجون طماط نضيف البهارات فلفل اسود ملح كمون و البهارات حسب الرغبه انا تبلته في مجموعة بهارات ايطاليه ممكن تضيفون مكعب خضار ماجي
نضيف الصلصه الحمرا على رولات الباذنجان وتالي نضيف عليه صلصة الباشاميل ونرشه جبن مبشور وشوية اوريغانو واندخله الفرن من تحت وفوق بس تتسبك الصلصة مع الرولات ويتحمر الجبن انطلعه وبالعافيه
طريقة عمل الكفته المنزليه : لحم عجل مفروم وشدة بقدونس مفروم نص كوب بصل أخضر مفروم ملعقتين طحين ممكن نحتاج أكثر ملح فلفل اسود كركم وبهارات مشكله تعجن جميع المقادير وتشكل حسب الرغبه توضع في الفريزر ممكن تحمر في الزيت وتشوى بالفرن
طريقة عمل صلصة البشاميل :

ثلاث ملاعق طحين يضاف لها ربع قالب زبده على النار يضاف ثلاث أكواب حليب ملح فلفل اسود يحرك الخليط إلى ان يثخن