جريش حائل
  • 185
  • Loading
  • 0
  • السبت, 28 يوليو, 2018 - 9 , مساءً
  • التقييم:
الطريقة و المقادير

طريقة جريش حائل …. 😍 اول شي نجيب جريش الكميه اللي تبين افضل نوع الى الان جريش قطر ❤ واغسله جيدا وانقعه لمده ساعه فقط بعد كذا يكون عندي تقريبا كيلو لحم مع شحم لااحد يقول شحم وه وكليسترول كذا الطبخه الشحيمات نجيب قدر ونحمس به البصل مع زيت حتى يصفر نحط اللحم والشحم ونحمس على نار هاديه ثم نضيف طماط يفضل لونه احمر ونتركه حتى يذوب بعد كذا اضيف الملح وصرار حايل وكركم وبهار وعلبه صلصه اذا الكميه كثيرهبعد كذا اضيف الجريش المنقوع على اللحم واضيف مويه كميه المويه نفس طريقة الجريش الابيض لاطبخ لمدة نص ساعه على نار متوسط بعد كذا اوطي عليه النار لاخر شي اتركه لمده ٤ ساعات اواكثر لمايستوي اطفي النار واضربه بعود خشب خاص للاكلات الي تحتاج ضرب حتى يذوب اللحم وبكذا خلصنا نقدمه في حافظه ونكون مسوين كشنه عباره عن بصل كثير وقليل زيت وزبده او سمن بري مع ليمون اسود ناعم وممكن مسمنه ونرش على الوجه ونحط ليمون فيها صرار حايل ونصف الحبحر الاحمر وعوافي على اللي اكل منه