مدفونة دجاج بالبصل👍
دجاجه مفتوحه من جهة الظهر اوممكن تقطع نصفين _ ثلاث بصلات كبيره مقطعه دوائر عريضه قليلا _ ثلاث قرون فلفل حار اوحسب الرغبه _ عودين قرفه _ ورقتين غار _ خمس حبات هيل _ ثلاثه حبات قرنفل _ ثلاث كاسات رز هندي طويل الحبه منقوع ومطبوخ في كميه ماء تغطيه مرتين ومعاها ملح وبعد ماتطول حباته خمس دقائق تقريبا ضعيه في مصفاه لما يروح منه الماء الزائد وخليها اخر خطوه ( ضروري اخر خطوه يعني وقت مابتحطين الرز ) عشان مايعجن الرز ولما يوصل ثلاث ارباع استوى وممكن استبداله برز المزه بدون ماتشخليه فقط يطبخ ثلاث ارباع استواء
تتبيلة الدجاج:
ملعقة طعام صلصة طماطم _ ملعقة طعام صويا صوص _ ثلاث فصوص ثوم مفروم _ نص ملعقه صغيره لكل من كمون وفلفل اسود وكركم وبابريكا وبصل باودر _ ملعقتين صغيره ملح _ ملعقة طعام زيت. تخلط ويتبل بها الدجاج
خلطة الخضار ( اختياري): بصله وسط مقطعه جوانح _ حبتين جزر مقطعه مكعبات صغيره _ حبة فلفل رومي احمر مقطعه مربعات صغيره وممكن اي خضار تفضلين. تخلط مع قليل ملح وكمون وفلفل اسود وكركم وتحمرفي شوية زيت زيتون لما تستوي وتتحمر
الطريقه
اضع البصل والفلفل والبهارات الصحيحه في قاع قدر الضغط ثم اضع الدجاج بالمقلوب ثم اضعه فوق نارمتوسطه لنصف ساعه لمايستوي واضيف الرزفوقه وارش الزعفران وزيت المستكه واضغطه عشر دقائق اوربع ساعه لمايستوي الرز ويقلب من القدر في طبق التقديم وتقلب النكهات بالملعقه ويرص الدجاج ويزين بخلطة الخضار وبالعافيه

ملاحظه هامه
الطبخه مافيها ماء لان الدجاج والبصل بيطلع مويته.
يفضل يكون الدجاج اواللحم طازج لان المثلج يطلع مويه ويخبص الطبخه