المثلوثه👏
هي طبق شعبي فكرته عباره عن ثلاث اطباق ( قرصان + جريش + رز ولحم اودجاج ) تدمج مع بعض لتعطي طبق جميل ومميز
الطبقه الاولى:
خمس الى ست كاسات قرصان ( خبز الرقاق الخفيف الناشف) مكسر لقطع متوسطه _ كميه كافيه من مرق الدجاج المطبوخ في الوصفه لتغطية القرصان. يصب المرق فوق القرصان وتغطى وتطبخ على نارهادئه لثلاث دقائق او لماتمتص القرصان المرق
الطبقه الثانيه:
بصله وسط مفرومه _ ورقة غار _ كاس ونص حب جريش مغسول ومنقوع في ماء دافئ لساعه ويفضل ينقع من قبل ثلاث ساعات اومن الليل عشان يستوي بسرعه _ نص ملعقه صغيره لكل من كمون وفلفل اسود وكزبره ناشفه وكركم _ ملعقه صغيره ملح اوحسب الرغبه _ كاسين من مرق الدجاج المطبوخ _ علبة زبادي( 170 غ ) _ علبة قشطه ( 170 غ ) _ ملعقة طعام جبن سايل. حمري البصل وورق الغار وضيفي الجريش والبهارات وقلبي لدقيقتين وضيفي الماء والملح والمرق وبعد مايغلي خفضي النار واتركيه يطبخ على نارهادئه لساعه اوساعه ونص اولمايستوي جيدا ويهتري مع تحريكه بالمضرب اليدوي كل ربع ساعه وممكن وضعه في قدر الضغط اختصارا للوقت وبعد مايستوي ضيفي الزبادي والقشطه والجبن وقلبي بالمضرب جيدا
الطبقه الثالثه:
دجاجه مقطعه انصاف اوارباع اوكيلو لحم ضاني بعظم _ بصله كبيره مفرومه _ ثلاث قرون فلفل حار صحيحه _ اربع فصوص ثوم مفرومه _ عودين قرفه وسط _ ورقتين غار_ خمس حبات هيل _ ثلاث حبات قرنفل _ نص ملعقه صغيره لكل من كمون وفلفل اسود وكزبره ناشفه وكركم وبصل باودر _ ملعقتين صغيره ملح اوحسب الرغبه _ حزمة كزبره صغيره مربوطه بعود منها _ ثلاث كاسات رز طويل الحبه منقوع في ماء _ ثلاث حبات مستكه مذوبه في ثلاث ملاعق زيت زيتون. حمري البصل مع الفلفل و البهارات الصحيحه وضيفي الدجاج والبهارات المطحونه والثوم والملح وحزمة الكزبره وقلبي لدقيقتين وغطيها بالماء مره ونص اومرتين لاننا بنستخدم مرقتها لباقي الطبقات وبعد ماتستوي صفي المرقه وضيفي الرز والمستكه المذوبه في الزيت على المرق المتبقي وضيفي ماء اذا احتاج واطبخيه لمايستوي وحمري الدجاج من تحت وفوق على نارهادئه ليعطي لون جميل
للزينه:
بصله كبيره مفرومه اوجوانح مقليه اومحمره بشوية زيت زيتون
الطريقه
في طبق عميق قليلا ضعي اول طبقه القرصان وفوقها طبقة الجريش وفوقها طبقه الرز والدجاج ورشي البصل وبالعافيه