- 62
- 0
- الإثنين, 30 يوليو, 2018 - 8 , مساءً
- التقييم:
الطريقة و المقادير
الشابوره الحلوه لذيذه مره واحبه اكثر من الجاهزه وقلت لازم اعطيكم الطريقه راح تدعون لي لو تجربونها 👌😋
.
.
بالخلاط اربع بيضات وكوب سكر
وملعقه فانيلا ونخلطهم عدل
وبعدها نحطهم فالعجانه الكهربا
ونضيف عليهم كوبين زيت
وثلاث ملاعق حليب بودره
وملعقتين حبه سودا وملعقتين يانسون
وخمس ملاعق سمسم ورشة هيل ورشة ملح
وبعدها نضيف خمس اكواب دقيق ابيض منخول
وملعقة باكنج باودر
راح تكون مثل عجينة الفطاير
وبعدها نحطها في صينيه مدحونه زيت
ونفرش العجينه بالصينيه
وترش من فوق سمسم
وبعدها ندخلها الفرن النار من تحت وفوق
واذا استوت نطلعها ونقصصها ونرده للفرن
دقايق بس لجل تتحمر الاطراف
وعوافي