- 41
- 0
- الثلاثاء, 31 يوليو, 2018 - 9 , مساءً
- التقييم:
الطريقة و المقادير
صياديه السمك
بصل كميه طيبه يعني حوالي خمس حبات وسط نحمره لين يصير بني ( البعض يفضله اسود)
نحط عليه حبه ماجي وعلبه معجون طماطم اواقل شوي حسب الرغبه
حبتين فلفل حار بدون تقطيع
وبهارات مطحونه ( فلفل اسود-كمون – بهار مشكل -شوي كركم – هيل -قرفه _ ليمون مجفف ) بهارات صحيحه ( هيل -قرفه -كزبره ) ونملح
ننقع حمر ( تمر هندي ) ونضيف منه نص كوب
خطوه ماسويتها ( نحط السمك ويفضل الكنعد القطع او فيليه اذا مو متوفر ونسيبه دقايق الين يسير ذهبي ياخذ لون الحمسه وبعدين نطلعه )
نزيد مويه
نضيف الرز المنقوع من قبل وعلي ال نار عليه واول ماتغلي المويه نهدي النار ونغطيه ممكن بقصدير وفوقه الغطا ونتركه لين يستوي وبالف صحة وعافيه ❤
طريقتي بالسمك
سمك نظيف مغسول بليمون وشويه خل وننشفه
ندق فصين ثوم مع ملح وملعقه من ( فلفل اسود – كمون – بهار مشكل – كاري -كركم – فلفل احمر حار- زنجبيل طازه -ملعقتين كبيره ليمون- ملعقه خل )
نتبل السمكه من الجهتين والداخل ونتركها في كيس في الثلاجه لين وقت القلي
قبل القلي نغمسها في دقيق ونقليها في زيت حار عميق .
نقدمها مع سلطه حاره وطحينيه وحمر ❤️
وبالعافيه
