تارت الكنافه 🍴☕️
المقادير اللي بقولكم عليها لقالب التارت حجم الوسط ..
راح نحتاج بالبدايه ثلاث ارباع علبة كنافه ( استخدمت الكنافه المجمده موجوده باي سوبرماركت ) اقصصها ب مقص الطبخ بشكل عشوائي واطحنها ب محضرة الطعام ثم اضيف لها ( 3 ملاعق كبيره سمن ذايب ب درجة حرارة الغرفه او مايعادلها زبده وملعقه كبيره سكر ) وارجع اطحنها مره ثانيه حتى تمتزج المكونات ..
اساويها على الصينيه واضغط عليها حتى تتماسك وادخلها الفرن ويكون مشغل من تحت ب درجه عاليه تقريباً اخذت معي 7 الى 10 دقايق او حتى تتشقر ثم من فوق ، اطلعها من الفرن واسقيها ب الشيره واغلفها عشان ماتجف 👌🏻
نتركها على جنب ونبدي نسوي الحشوه اللي بالوسط وهي عباره عن : (كاس ماء ، 2 ملعقة حليب بودره ، 2 ملعقة نشا ، ملعقة سكر ) نحركها على النار باستمرار حتى تثخن ثم نطفي عليها ونضيف لها 2 جبن وهي ساخنه ونحركها حتى تمتزج مع بعض .. نرجع للتارت ونقلبها ب صحن التقديم (يفضل استخدام صحن قابل للحراره) ونرش عليها طبقة جبن موزاريلا ثم
نساوي الحشوه على الموزريلا .. ندخلها الفرن الساخن مره ثاني مدة دقيقه الى دقيقتين ويفضل انه يكون مشتعل من تحت والتارت يكون ب الرف الاوسط عشان يذوب الجبن ..
بالاخير نجمل الوجه ب ذرة هيل و فستق مجروش