- 65
- 0
- الجمعة, 3 أغسطس, 2018 - 6 , مساءً
- التقييم:
الطريقة و المقادير
كرات الجبن بالشعيرية
تخلطين كاس ماي مع ملعقة كبيرة خميرة، وأربع ملاعق كبيرة شكر، وتخلينها تتفاعل عشر دقايق في مكان دافي.. هالخطوة عشان تتأكدين من صلاحية الخميرة. إذا تفاعلت ضيفي عليها: ثلاث كاسات طحين، علبة روب، ثلاث ملاعق حليب بودرة، ملعقة صغيرة بيكنج بودر، ربع كاس زيت، رشة ملح، تخلطين جميع المقادير وتتركينها تتخمر نص ساعة، وإذا حسيتيها تتلزق في اليد ضيفي عليها شوية طحين.. تاخذين قطعة صغيرة من العجين وتحشينها جبن كيري، وتكورينها، عقب تغطسينها في حليب سائل، وتدحرجينها في شعيرية مكسرة قطع صغيرة، كسروها أصغر مني عشان ما تتلعوزون في أكلها😎 وهكذا مع بقية العجين.. بعدين تقلينها في زيت عميق وساخن بس على نار متوسطة يعني مثل اللقيمات، وإذا صار لونها ذهبي ارفعيها عن الزيت، وحطيها على ورق ماص للزيت، وصبي عليها حليب نستله، وبالعافية💞💞 جربوها حبايبي لذييييذة
