طريقة برجر دجاج تندوري .. ١ دجاجة منزوع منها العظم
١ حبة بصل كبير مقطع أرباع كبيرة
١ حبة شمندر مطبوخ ومقطع مربعات كبيرة
١ ملعقة صغيرة زنجبيل مبشور
١ ملعقة كبيرة بهارات ماسالا
١ ملعقة كبيرة بهارات تندوري أو بهارات كاري
١ ملعقة كبيرة طماطم معجون
وشوي زيت زيتون وملح

هالأشياء كلها حطيها بالفرامة أو حتى حطيها بالخلاط العادي اللي يجي كأس بس لازم يكون اللي حجمه كبير وشفراته كبيرة، إذا كان خليط البرجر مو متماسك مرة حطي شوي طحين معاه لين يتماسك وتقدرين تشكلينه ،
الحين خذي من الخليط وشكليه مثل البرجر بالحجم اللي تبغين، أنا سويت حجم وسط وطلع معي ٨ حبات ،
* وأنتي تشكلين البرجر حطي بيدك طحين عشان مايلصق بيدك ويسهل التشكيل.

الصوص الأبيض: ١ علبة زبادي + شبت وملح وفلفل أسود .

بالنسبة لخبز النان :
٢ونص كوب طحين
٢ ملعقة كبيرة زبادي
٤/١ كوب ماء دافي
٢ ملعقة كبيرة زيت زيتون
٢ ملعقة صغيرة خميرة
٢ ملعقة صغيرة سكر
١ ملعقة صغيرة ملح
١ ملعقة كبيرة حبة البركة

حطي الخميرة بالموية الدافيةوحطي معاه السكر وحركي لين تذوب وخليها شوي
حطي باقي الأشياء مع بعض وحركي ثم حطي الموية والخميرة وأعجني ليين تصير العجينة ناعمة وتلصق شوي
حطيها بمكان دافي وخليها لين يتضاعف حجمها.. الحين خذي العجين وحطيها على الطاولة بعد ماترشين عليها شوي طحين
وقطعي العجين لثمان قطع أو على عدد البرجر اللي مسويته .. ثم خذي قطعة وأفرديها دائرة، الحجم يكون مناسب لحجم حبة البرجر ثم حطيها على صاج حار وخليها لين يحمر الوجه الأول ثم الثاني وحطيها بحافظة عشان تبقى لينه لين تخلصين الباقي . وبس