*500 جرام كنافة رش هاي الكنافة بتجيبوها من محل الحلويات بتكون خصوصي للكنافة النابلسية لو ما في منها جيبو كنافة عادية واطحنوها ع الخلاط *500 جرام جبنة نابلسية ننقعها قبل بيوم بالمي مشان تروح الملوحة وبنغير المي عنها كل اربع ساعات وقبل ما نستعملها بنفتتها او بنبرشها ع المبرشة *لوبتحبي بضيفي عليها جبنة موزاريلا من كوب لكوبين حسب الرغبة
*القطر 3 كوب سكر لكوبين ماء
*وبنحتاج سمنة بحرارة الغرفة
*صبغة كنافة او صبغة زعفران بودرة
طبعا كمية السمنة حسب رغبتك وحسب حجم الصينية لكن الكنافة بتحتاج كمية منيحة من السمنة وبالنسبة لكمية الصبغة بتختلف حسب اللون تبعها
الطريقة :
نخلط السمنة بالصبغة ولما نخلطهم لازم ما بكون لونها برتقالي غامق بكون لونها برتقالي فاتح وباهت وبندهن فيها الصينية .. بندهن القاع بس ما بندهن الحواف وبندهن كمية منيحه من السمنة لتغطي كل القاع وبنحط شوية سمنة سائلة على الكنافة (تكون دافيه ما تكون سخنة لو سخنة بتستوي الكنافة قبل ما نستعملها) و بنوزع الكنافة بالصينية ونوزعها بالتساوي ونضغط بايدنا منيح كتير على الكنافه لنكبسها مع بعض وبنوزع الجبنة عليى السطح ونبعد عن الحواف بمقدار 1-2 سم مشان نعطيها مجال تسيح وبنحطها على الغاز مع تحريك الصينية و اول 5 دقايق على نار عاليه بعدين بنوطي النار لحتى تسيح الجبنة ونلاحظ الحواف بتبلش تتحمر بنقلبها بصينية ولما نضيف القطر ممكن نضيفه على كل الصينية او كل شخص بضيف حسب رغبته وبنزينها بفستق حلبي. لتعملي هالشكل بقطاعات العجين بتحتاجي 3 مقاسات بتقطعي فيهم الكنافة وبتحطيهم فوق بعض 😊