دجاج بصوص الليمون والكريما 👌
وهاي طريقة حلوة كتير لو زاد عندك دجاج او مرقة دجاج

المقادير: تكفي لاربع اشخاص
2 صدر دجاج حوالي 300 جرام بتقسميهم من الوسط بتغسليهم بالطحين وبعدين عصريهم من المي حطيهم بصحن وحطي عليهم خل وقلبيهم واتركيهم لتحضري باقي المكونات
ملح وفلفل حسب الرغبة
ربع كوب طحين
ملعقة كبيرة زيت زيتون
معلقة ونص كبيرة زبدة
ثلاث ارباع كوب كريما
3_4 ملاعق كبيرة عصير ليمون
كوب وربع مرقة دجاج (لو ما عندك مرقة سخني كوب وربع مي و دوبي فيهم مكعب ماجي )
الطريقة:
*اغسلي الدجاج من الخل وعصريه من المي
*تبليه بملح وفلفل وغطسيهم بالطحين.
*على درجة حرارة وسط قريبة للواطي حطي زيت الزيتون ليسخن شوي بعدين ضيفي عليه الزبدة. *حمري الدجاج ليسير لونو دهبي وشيليه من المقلايه وحطيه على ورق مطبخ.
*بنفس المقلاية ضيفي ربع كوب مرقة على نار منخفضة شوي وحركي المرقة بالمقلاية شوي لتاخد كل بواقي وطعمة الدجاج. *ضيفي باقي المرقة والكريما .
*بس تحسي الصوص قوامه صار سميك ضيفي ليمون وملح وفلفل حسب رغبتك.
*ضيفي الدجاج ع المقلاية وقلبيه مع الصوص كم دقيقة وقدميه مع رز او معكرونة او بطاطا مسلوقة وصحتين 😊 لو كان عند بواقي دجاج بتعملي نفس الخطوات