المسخن اللذيذ 😍
منشنوا اللي تبونهم يسوونه لكم 😋👌💛
.
صدرين دجاج بعظم او بدون ( ورق غار مع السلق) ٥ بصلات وسط شرايح او حبتين كبيره ، ربع كوب سماق ، ٣ خبز رقاق ، زيت زيتون ، ملعقه ملح ، ملعقه فلفل اسود ، ملعقه كمون , عصير نص ليمونه , مقادير الصلصة : علبة زبادي , ٣ ملاعق مايونيز , ربع كوب شطه , ملعقه صغيره سماق , فص ثوم . سلقت الدجاج في مويه و ورق غار و نص بصله و فلفل اسود شوي ، و لما استوى طلعته و قطعته صغار ، البصل حمرته مع زيت زيتون كثير الييييين يذبل و يستوي و يتحمر في نفس الوقت ، بعدها خلطت الدجاج و البصل و البهارات و الليمون و خليتها ع جنب 🍚 الرقاق انا خذته من مانويل، و موجود بالدانوب بعد قسم المخبز، جنب التورتيلا و باقي انواع الخبز، يجي الكيس فيه ٣ رقاقات دائريه 👌🏻 قصيت الدائره للنص و النص للنص مثلثات لين صار عندي ٨ حبات من كل رقاقه . و بعدها حشيته و طريقة اللف زي ما انتوا شايفين 🌿 ناخذ بايركس و نرشها بزيت زيتون و نرص الحبات فيه و ندهن الوجه بزيت زيتون ، و ندخلها الفرن من فوق و تحت لين يتحمر من الجهتين و يصير يقرمش🌶 , الصلصه نخلط كل المقادير مع بعض ، و تتقدم مع المسخن و على الوجه بصل مقلي و صنوبر محمر و رشة سماق