بسبوسة مبكرة بالقشطة :

المقادير :
١ كوب روب / زبادي
١ كوب جوز الهند / ناريل
١ كوب زيت
١ كوب سميد خشن / ناعم
١ كوب سكر
٢ بيض
١ م ص بيكنغ باودر
ڤانيلا
ماء زهر ” حسب الرغبة ”
قيمر kdd سادة / بماء الزهر
شيرة / قطر
فستق مطحون
الطريقة :
– نشغل الفرن على حرارة ١٧٥ س
– يدهن قالب الفرن بالهردة / الطحينة
– يخلط البيض جيداً ثم باقي المقادير مع بعض وتصب بقالب الفرن .
– نقص طرف علبة القيمر ونبكر وجه البسبوسة – نريحها ربع ساعة – ندخل البسبوسة الفرن حتى تنضج وتأخذ اللون الذهبي – يصب عليها الشيرة / القطر وهي حارة – وترش بالفستق المطحون . – وتقدم دافية

وبالعافية … 💛

ملاحظة :
١- مكوناتها بالضبط نفس البسبوسة بالقشطة العادية اللي بنصها .. او البسبوسة السادة أو بعض المرات اسويها بقالب الچيز كيك وبعد الفرن وبعد ماتبرد ازينها من فوق بالقشطة والمكسرات .. الانواع على حسب ذوقكم
٢- ليش ترتاح ما أدري مشينا على هالطريقة من ايام قبل 😅 وعادي اكون مستعيله وما اريحها وتطلع نفس النتيجة 😂 بس نفسياً اريحها .
٣- ماء الزهر اختياري
٤- الشيرة : كل كوب شكر ١/٢ كوب ماي وعصرة ليمونه وتطبخ شوي لين تحسين انها بقوام مناسب
٥- كانت نقصة فصورتها بماعون قصدير 😅 ..