أمي طبقت هالطريقة لبلح الشام من وحدة باليوتيوب ومن يومها وهي معتمدتها👍🏼
وتقول لكم: لاتنسوني إذا أعجبتكم من دعواتكم الصادقة وأن يديم عليها نعمة الشفاء والعافية ويحفظها لنا❤️
.
. 🌸المقادير:
٢ كوب دقيق
ملعقتين صغار نشاء
١ ملعقة طعام بكنج بودر

٢ كوب ماء
١/٢ كوب زيت

١ ملعقة صغيرة سكر
١/٢ ملعقة صغيرة ملح
ملعقة صغيرة فانيليا

٥ بيضات
ملعقتين طعام خل
. 🌸الطريقة:
١/نرفع كوبين الماء مع الزيت على النار إلى مايبدأ يغلي ثم نقصر النار عليهم ونضيف السكر والملح والفانيليا .
٢/نخلط الدقيق مع النشا والباكنج بودر ونضيفه دفعة وحده على الماء ونحركهم بالملعقة الخشب لما تتجمع العجينة مع بعض.
٣/ نشيله عن النار وننقل العجينة لوعاء ثاني ونضيف عليها البيض حبة حبة مع الخلط باليد أو الملعقة بين كل بيضة والثانية.
٤/ نضيف الخل ونعجن العجنة الاخيرة .
٥/ نفرغها في كيس وقمع الكريمة وتستعينون بالمقص عشان تقطعونها بعد ماتنزل من القمع ونقليها.ثم تسقى بالشيرة.وبالعافية. .
📌ملاحظات مهمة:
١/الزيت وقت ماتنزلين عليه حبات بلح الشام يكون بارد يعني مابعد سخن أو دافي تقدرون تلمسونه عادي.
٢/ بعد ماتنزلونهن بالزيت تزيدون الحرارة عشان يسخن الزيت وتتركونهن من غير تحريك إلى ماتشوفونهن بدأن يرتفعن من قاع المقلاة.

٣/ تقدرون العجينة تحتفظون فيها بالفريزر كم اسبوع ماتتغير..