المندي السريع😋

كيلو لحم ضاني بعظم او دجاجه مقطعه انصاف _ بصله كبيره مفرومه _ قرنين فلفل حار _ عودين قرفه وسط _ ورقتين غار _ خمس حبات هيل _ ثلاث فصوص ثوم صحيحه _ ملعقتين طعام زبادي _ ملعقه صغيره لكل من كمون وفلفل اسود وكزبره ناشفه ونص ملعقه صغيره لكل من كركم وبابريكا_ ملعقتين صغيره ملح اوحسب الرغبه _ ملعقة طعام ورشستر صوص _ ملعقه صغيره زعفران منقوع في ثلث كاس ماء حار _ ثلاث حبات مستكه _ ربع حزمة كزبره مربوطه _ فحمه صغيره _ ثلاث كاسات رز مزه طويل الحبه مغسول ومنقوع.
الطريقه
حمري البصل في قليل من الزيت مع الفلفل الحار والقرفه وورق الغار والهيل والثوم وضيفي اللحم او الدجاج وقوي النار وقلبي وضيفي الزبادي والبهارات وبعد دقيقه صبي عليه كميه من الماء كافيه لاستواء اللحم او الدجاج وضيفي له الورشستر صوص والملح واتركيه يطبخ لما يستوي .
ضعيه بصينية فرن وخذي نص كمية ماء الزعفران وضيفي لها ملعقة طعام صويا صوص وادهنيه بها ودخليه فرن حار جدا من تحت وفوق لمايتحمر اللحم شوي وحار عشان ماينشف اللحم واذا كان دجاج تكون النار هاديه عشان يعطي لون جميل.
صفي مرقة اللحم او الدجاج بالمصفاه وضيفي الرز والكزبره وقوي النار عليه واذا احتاج ماء اوملح زيديه واتركيه لما تطول حباته ويصير ماءه للنص.
سخني ملعقتين زيت زيتون وذوبي المستكه فيها ووزعيها بالملعقه فوق الرز ووزعي عليها ماء الزعفران واضغطيه بقدر الضغط اوغطيه مضبوط وضعي فوق الغطا اي ثقل ليحتفظ بالنكهات.
بعد مايستوي الرز ويتحمر اللحم اوالدجاج رصيهم داخل قدر الرز وسخني الفحمه لما تصير لون واحد وضعيها بفنجان قهوه خزف اوصحن صغير يتحمل الحراره اوورق المونيوم في وسط القدر ورشي عليها قليل من السمنه اوالزبده اوزيت لما تطلع الدخان وغطي القدر وبعد خمس دقائق افتحيه واغرفيه ويقدم مع سلطة الطحينه موجوده طريقتها في قسم السلطات 👇 وبالعافيه عليكم💓

للتزيين : حمري بصل جوانح وفي نهاية تحميره ضيفي له فص ثوم مفروم ونص كاس كزبره مفرومه وزيني فيه