فطاير سبانخ

الطريقة : كيلو طحين ملعقة خميرة ملعقتين سكر 3 معالق حليب بودرة نص ملعقة صغيرة بكنغ باودر وملح منخلطهم مع بعض ومنضيف عليهم علبة لبن زبادي بحرارة الغرفة و4 معالق زيت ومنخلط بعدين منضيف مي دافية بالتدريج ومنعجن مزبوط لتتشكل عجينة ناعمة وطرية مندهنها بالزيت ومنغطيها لتتخمر…. بعد التخمير منقسمها كور متساوية ومنتركها ترتاح ربع ساعة بعدين مندهن صينية الفرن بزيت ومنفرد كرة العجين بشكل رقيق ومنوزع الحشوة فوقها ورشة زيت ع الوجه ومندخلها فرن حامي جدا ع أعلى درجة حرارة والنار من فوق وتحت (من تحت ع أعلى درجة ومن فوق يعني الشواية حرارة هادية) بس تستوي منوزع عليها رشة زيت زيتون ومنصف الفطاير فوق بعض…
🌺الحشوات : عملت مجموعة حشوات بس ماقدرت اصور الكل بس رح اكتبهن
1_ حشوة السبانخ : منغسل السبانخ ومنفرمها فرم ناعم شوي ومنتركها لتتنشف من المي بعدين منضيف عليها بندورة مفرومة ناعم ومصفية من المي تماما وبصل مفروم ناعم ومفروك بملح وفلفل وكم عرق كزبرة خضرا مفروم ناعم ورشة من كل من فلفل كاري بهار مشكل كزبرة ناشفة كركم بابريكا حلوة وحدة والملح وعصير الليمون مابينضاف للحشوة الا وقت الخبز حتى ماتنزل مي…..
2_حشوة الفرفحين :متل السبانخ تماما…..
3_حشوة المحمرة : بستخدم صلصة البيتزا البيتية منزليتها قبل بكم صورة وبضيف عليها ملعقة دبس فليفلة وحبة البركة وبخلطهم…..
4_حشوة اللحمة: لحمة ناعمة وبندورة مفرومة ناعم ومصفية من المي وبصل مفروم ناعم ومفروك بملح وفلفل ودبس رمان وبضيف عليهم كم ملعقة من حشوة المحمرة وممكن دبس فليفلة يلي عملتها وفلفل وبهار مشكل وكاري وبابريكا البهارات حسب الرغبة