ورق عنب بالزيت

الطريقة : اول خطوة لتجهيز ورق العنب المحفوظ بالمرطبانات منغلي مي بطنجرة ومنزل الورق ومنتركو يغلي تقريبا 3 دقايق بعدين منطفي النار ومنرش ملعقة زيت ع الوجه ومنغطي الطنجرة ومنتركوا حسب وقتكم ساعة أو ساعتين لنتخلص من طعم المواد الحافظة بعدين منصفيه وبكون جاهز للف 🌻لتحضير الحشوة: 3 كاسات رز مصري مغسول ومنقوع أربع حبات بندورة كبار ضمتين بقدونس بصلة كبيرة قرن فليفلة حدة حسب الرغبة كلو بينفرم فرم ناعم (او ع المكسر ليلي ماعندو وقت ) ونص راس توم مهروس نص كوب زيت زيتون 3 معالق دبس رمان ملعقة ونص نعنع ناشف ملعقة ونص بهار محاشي وفلفل اسود وبهار مشكل وملح ونص ملعقة صغيرة قهوة تركية اختياري ( احيانا بضيفها واحيانا لا مابتفرق كتير بالطعم ) وعصير ليمونتين 🌻لتحضير الطنجرة شوي زيت بأرض الطنجرة وطبقة من ورق العنب بدون لف بعدين بطاطا وجزر وراس توم مقشر وقرنين فليفلة حدة حسب الرغبة ورشة ملح وفلفل بعدين منصف ورق العنب يلي لفينا ومنوزع عليه نص كوب زيت زيتون وملعقة دبس رمان ومنغطي بطبقة من ورق العنب بدون لف ومنحط الثقل فوقو ومنغمروا بالمي وبس يغلي منهدي النار على الآخر ومنعدل الملح ومنغطيه ومنتركوا ليستوي وباخر ربع ساعة منضيف عصير ليمونتين وملعقتين زيت زيتون ربع ساعة ومنطفي النار ( اخد معي ساعتين) ومنتركوا مغطى ليبرد تماما ليحافظ ع لونو ومندخلوا ع البارد وبيتقدم بارد اذا نشفت المي أثناء الطبخ بتزيدوا مي مغلية