سينابون

الطريقة : 3 كاسات ونص طحين بالكوب المعياري ملعقتين حليب بودرة ملعقتين لبن ( زبادي ) ملعقتين دريم ويب ملعقة سكر ملعقة خميرة ملعقة صغيرة بكنغ باودر ورشة ملح ملعقة زبدة بحرارة الغرفة وملعقتين زيت وكاس حليب دافي (او كاس وربع حسب استيعاب الطحين )
منخلط النواشف مع بعض بعدين منضيف الزيت والزبدة واللبن ومنفركهم بالطحين بعدين منضيف الحليب بالتدريج لتتشكل عجينة ناعمة وطرية بعد العجن المزبوط منغطي العجينة ومنتركها لتخمر…. بعدين ع سطح العمل منرش رشة خفيفة جدا من الطحين ومنفرد العجينة بشكل مستطيل ومندهن عليها زبدة بحرارة الغرفة من دون مانوصل للطرف ومنوزع عليها خليط عبارة عن ( ملعقة قرفة ملعقة كاكاو ملعقتين سكر ) ومنضغط شوي بايدنا ومنبدأ نلفت الرول وآخر شي منسكر الطرف مزبوط حتى ما يفتح معنا بالفرن وتضل الحبات محافظة ع شكلها ومنقطع بالسكين قطع متساوية ومنصفن بصينية الفرن ومنغطيهم ومنتركهم يتخمروا كمان ربع ساعة بعدين ع فرن حامي مسبقا ع الرف الوسط والحرارة وسط لتتحمر من تحت منشغل الشواية لتتحمر من فوق وبس تستوي منوزع عليها الصوص وهي سخنة 🌻 الصوص :4 مربعات جبنة كيري ظرف دريم ويب حليب مكثف حسب الرغبة ملعقة صغيرة زبدة بحرارة الغرفة رشة فانيليا وبس منخلطهم واذا مابتحبو سميك ضيفوا شوي من الحليب