- 26
- 0
- الإثنين, 3 سبتمبر, 2018 - 7 , مساءً
- التقييم:
الطريقة و المقادير
بيتزا
الطريقة : نخلط جيدا 6 كاسات طحين مع 3 معالق حليب بودرة ملعقتين سكر ملعقة خميرة ملعقة صغيرة بكنغ باودر نص ملعقة صغيرة ملح منضيف عليهم 5 معالق زيت (زيتون+ذرة) منفرك الزيت مع الطحين بعدين منضيف 3 معالق لبن (زبادي) بحرارة الغرفة ومنضيف مي دافية بالتدريج ومنعجن لتتشكل عجينة ناعمة وطرية (اخدت معي كاستين وشوي مي حسب نوع الطحين) منمسحها بزيت ومنغطيها لتختمر بعدين منقسمها حسب حجم الصينية ومنتركها ترتاح ربع ساعة….. مندهن صينية الفرن زيت ورشة سميد ومنفرد العجينة تكون رقيقة شوي ومندهن الصوص وفوقو رشة جبنة بعدين الخضار حسب الرغبة بعدين كمان جبنة (يستخدم موتزريلا وشرايح جبن البرغر) ورشة اوريغانو ع الوجه وع فرن حامي جدا والحرارة أعلى شي مابتاخد وقت بالفرن ولاتشغلوا الشواية لتبقى الجبنة طرية وتمط 🌺عجينة البيتزا بسيطة والحليب البودرة واللبن اختياري بالعجينة بس منستخدمهم كمحسنات المتوفر فيكم تستخدموا.. استخدمت الاكواب المعيارية بالوصفة
