عوامة

الطريقة : نخلط ملعقة خميرة مع ملعقة سكر مع ربع كاس ماء دافئ ومنغطيها ومنتركها لتفور …. مننخل كاستين طحين مع ملعقتين حليب بودرة و ملعقة سكر وملعقة ونص نشا وملعقة كاسترد ( ممكن نستبدلها بنشا بس بتعطي لون حلو) ورشة ملح وملعقة صغيرة فانيليا و3معالق زيت ومنضيف خليط الخميرة يلي عملنا بالبداية ومنضيف كاس ماء دافئ بالتدريج مع الخلط والتقليب من تحت لفوق لمدة 10 دقايق لازم تكون عجينة مطاطية يعني اذا رفعتوها بالملعقة تنزل من دون ماتتقطع بعدين منغطيها ومنتركها لتخمر .. بعد ماتخمر منرجع منخلطها ومنتركها ترتاح كمان 10 دقايق … بعدين ع القلي 🌻 طريقة التشكيل بضع العجينة بكيس نايلون وبقص طرفوا وبملعقة صغيرة منحطا بالزيت حتى ما تلزق العجينة فيها وبضغط ع الكيس لتطلع العجينة ع الملعقة وبنزلها بزيت ساخن وغزير لتتشمع من برا بس بعدين بشيلها من الزيت وبتركها تبرد بعدين منقليها القلية التانية ولازم تحريك وتقليب بشكل مستمر لتطلع مقرمشة وتاخد لون واحد بس اخدت اللون المطلوب منطلعها ع قطر بارد وسميك منقلبها بالقطر بعدين منصفيها ومنصفها ع صينية لتحافظ ع قرشتها… المي ممكن تزيد شوي حسب نوع الطحين بس تقريبا عيار المي من كاس وربع لكاس ونص